CNN: შეთანხმება, რომელიც საუდის არაბეთს ურანის გამდიდრების ნებას რთავს, ტრამპის ადმინისტრაციის მხრიდან საბოლოო ხელმოწერას ელოდება
დონალდ ტრამპის ადმინისტრაცია წინასწარ დათანხმდა, რომ საუდის არაბეთს ურანის გამდიდრების უფლება მისცეს იმ საერთაშორისო უსაფრთხოების მექანიზმების ამოქმედების გარეშე, რომლებიც ბირთვული იარაღის შექმნის თავიდან აცილებას ისახავს მიზნად.
ინფორმაციას CNN-ი მოპოვებულ დოკუმენტებსა და პროცესთან დაახლოებულ წყაროებზე დაყრდნობით ავრცელებს. მედიის ცნობით, ბირთვული შეთანხმების პროექტი, რომელიც შტატების მხრიდან საუდის არაბეთის სამოქალაქო ბირთვული პროგრამის მხარდაჭერას ითვალისწინებს, პრეზიდენტ დონალდ ტრამპის ხელმოწერას ელოდება, იმის მიუხედავად, რომ შეერთებულ შტატებსა და საუდის არაბეთს შორის მოლაპარაკებები 2025 წლის ოქტომბერში დასრულდა.
ორი წყაროს ცნობით, შეთანხმებაზე ტრამპის ხელმოწერის გადადებაში გარკვეული როლი ირანთან მიმდინარე ომმაც ითამაშა, რომელიც, ტრამპის განცხადებით, ნაწილობრივ იმის თავიდან ასაცილებლად დაიწყო, რომ თეირანს ურანის გამდიდრებული მარაგი ბირთვული იარაღის შესაქმნელად არ გამოეყენებინა.
იმედი
წყარო: imedinews.ge