CNN: ტრამპის განცხადებით, მას სჯერა, რომ ჩინეთი და რუსეთი ირანს იარაღს არ აწვდიან

აშშ-ის პრეზიდენტმა, დონალდ ტრამპმა განაცხადა, რომ მას არ სჯერა, რომ ჩინეთი ან რუსეთი ირანს იარაღს აწვდიან. ინფორმაციას ამის შესახებ ტელეკომპანია CNN-ი ავრცელებს.

„პრეზიდენტმა სიმ, ჩინეთში, პეკინში გამართულ ჩვენს ბოლო შეხვედრაზე მითხრა, რომ არავითარ შემთხვევაში არ მისცემს და არ მიჰყიდის იარაღს ირანის ისლამურ რესპუბლიკას და ეს განცხადება ჩინურ კომპანიებსაც ეხებოდა“, - დაწერა ტრამპმა პლატფორმა Truth Social-ზე.

„ჩვენი ურთიერთობის გათვალისწინებით, მე მას სიტყვაზე ვენდობი. გარდა ამისა, მეც ძალიან დიდ სამსახურს ვუწევ მას“, - დასძინა ტრამპმა.

ტრამპის თქმით, რუსეთის პრეზიდენტმა, ვლადიმირ პუტინმაც განუცხადა მას, რომ მოსკოვი ირანისთვის იარაღის მიყიდვას არ აპირებს.

„ამრიგად, ორი უმთავრესი ქვეყანა, რომლებზეც ირანის კონტექსტში ხშირად საუბრობენ, ჩემი აზრით, ამ პროცესში არ მონაწილეობს“, - წერს ტრამპი. - „ასეც რომ მოქცეულიყვნენ, ეს მათთვის ძალიან ცუდი იქნებოდა - და ნამდვილად არ შედიოდა მათ ინტერესებში“.