CNN: ტრამპმა ირანის მაღალგამდიდრებული ურანის მარაგების განადგურების მნიშვნელობა დააკნინა და აღნიშნა, რომ ეს იმაზე ნაკლებად მნიშვნელოვანია, ვიდრე თეირანის მიერ ბირთვული იარაღის მოპოვების აღკვეთა

აშშ-ის პრეზიდენტმა, დონალდ ტრამპმა ირანის მაღალგამდიდრებული ურანის მარაგების განადგურების მნიშვნელობა დააკნინა და აღნიშნა, რომ ეს იმაზე ნაკლებად მნიშვნელოვანია, ვიდრე თეირანის მიერ ბირთვული იარაღის მოპოვების აღკვეთა. ინფორმაციას ამის შესახებ ტელეკომპანია CNN-ი ავრცელებს.

„ეს ბევრად ნაკლებად მნიშვნელოვანია, რადგან მათი ხელში ჩაგდება ძალიან რთულია“, - განუცხადა ტრამპმა ჟურნალისტებს ოთხშაბათს პარიზში, როდესაც „ბირთვული მტვრის“ პრობლემის მოგვარების მნიშვნელობაზე ჰკითხეს.

„არ მგონია, რომ ამას ვინმემ მიაღწიოს - ჩვენ შეგვიძლია ამის გაკეთება უდიდესი შრომისა და დიდი დროის ფასად“, - განაგრძო ტრამპმა.

მან მოიწონა თავი გასულ ზაფხულს ირანის ბირთვულ ობიექტებზე აშშ-ის მიერ განხორციელებული დარტყმებით და დასძინა: „B-2 ბომბდამშენებმა და იმ შესანიშნავმა პილოტებმა, ახლა ხომ გესმით, თავისი საქმე შეასრულეს“.

„ეს ბევრად უფრო ნაკლებად მნიშვნელოვანია, ვიდრე ის, რომ მათ ბირთვული იარაღი საერთოდ არ ჰქონდეთ“, - დასძინა ტრამპმა.