დავით მათიკაშვილი: გიორგი კანდელაკი ყოველთვის ცდილობდა, ანტიქართულ საქმიანობაში გამორჩეული ყოფილიყო. ახლაც დგას და ჩვენს ქვეყანას აბრალებს ისეთ მოცემულობას, რაც სიმართლესთან ახლოსაც არ არის

გიორგი კანდელაკი ყოველთვის ცდილობდა, ანტიქართულ საქმიანობაში გამორჩეული ყოფილიყო. ახლაც დგას და ჩვენს ქვეყანას აბრალებს ისეთ მოცემულობას, რაც სიმართლესთან ახლოსაც არ არის, - განუცხადა „ქრონიკას“ საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილმა კანდელაკის ფეისბუქ-პოსტის შეფასებისას.

მისივე თქმით, კანდელკისთვის საქართველოს ინტერესებისთვის ზიანის მიყენება უცხოეთიდან დაფინანსებული მისი საქმიანობის ძირითად მიზანს წარმოადგენს.

„ქართველი რადიკალები, უსამშობლო მეხუთე კოლონა, მუდმივად ცდილობს, დააზიანოს საკუთარი სამშობლო, საკუთარი ქვეყანა. პრინციპში, მათ სამშობლო არ გააჩნიათ. გიორგი კანდელაკი ყველასთვის ცნობილია. ეს პერსონაჟი ყოველთვის ცდილობდა, ანტიქართულ საქმიანობაში გამორჩეული ყოფილიყო. ახლაც დგას და ჩვენს ქვეყანას აბრალებს ისეთ მოცემულობას, რაც სიმართლესთან ახლოსაც არ არის. მისთვის საქართველოს ინტერესებისთვის ზიანის მიყენება წარმოადგენს, ფაქტობრივად, უცხოეთიდან დაფინანსებული მისი საქმიანობის ძირითად მიზანს, რაც არაერთგზის გამოვლინდა“, - აღნიშნა მათიკაშვილმა.

სტატიების და ანგარიშების შემდეგ გიორგი კანდელაკი ახლა „ფეისბუქ პოსტით“ ცდილობს, ამტკიცოს, თითქოს საქართველოში ირანული გავლენებია. კანდელაკი წერს, რომ საქართველოში ფუნქციონირებს ალ მუსტაფას უნივერსიტეტი და თავადვე ამბობს, რომ უნივერსიტეტს აკრედიტაცია არ აქვს. ფეისბუქ პოსტში იკვეთება, რომ კანდელაკი ვარაუდებზე საუბრობს.