დავით ნებიერიძე სააკაშვილზე: მისი ქმედებები უკიდურესად საზიანოა რეჟიმის წინააღმდეგ ბრძოლისთვის, თუმცა კიდევ უფრო საინტერესოა, როგორ ხსნიან ამას მისი მხარდამჭერები

მისი ქმედებები უკიდურესად საზიანოა რეჟიმის წინააღმდეგ ბრძოლისთვის, თუმცა კიდევ უფრო საინტერესოა, როგორ ხსნიან ამას მისი მხარდამჭერები, მიშას მხრიდან არ წყდება პოლიტიკური ველის ტალახში ამოსვრის მცდელობა. ამ ქმედებების შეფასებას აღარ გავაკეთებ. ყველასთვის ცხადია რომ უკიდურესად საზიანოა რეჟიმის წინააღმდეგ ბრძოლაში. უკეთესს ვერ ისურვებდა ოლიგარქი, - წერს პარტია „ახალის“ წევრი დავით ნებიერიძე სოციალურ ქსელში.

ნებიერიძე წერს, რომ სააკაშვილის მხრიდან პოლიტიკური ველის „ტალახში ამოსვრის მცდელობა“ არ წყდება, რაც, რეჟიმის წინააღმდეგ ბრძოლისთვის უკიდურესად საზიანოა.

„მიშას მხრიდან არ წყდება პოლიტიკური ველის ტალახში ამოსვრის მცდელობა. ამ ქმედებების შეფასებას აღარ გავაკეთებ. ყველასთვის ცხადია რომ უკიდურესად საზიანოა რეჟიმის წინააღმდეგ ბრძოლაში. უკეთესს ვერ ისურვებდა ოლიგარქი. ყურადღება მისი მხარდამჭერების კომენტარებზე მინდა გავაკეთო, სადაც მიშას ამ პოსტების პასუხად გამოიკვეთა მთავარი სლოგანი: მიშას ადანაშაულებენ რომ ცუდად არჩევდა საკუთარი გუნდის წევრებს და ყველამ "უღალატა". ბატონებო, ამ კრიტერიუმებით თუ შეაფასებთ მიშას მოღვაწეობას, მაშინ გამოდის, რომ მასსა და ბიძინას შორის არანაირი განსხვავება არ არის. გადახედეთ ქოცების პოზიციებს. ისინიც იგივეს ჩივიან - ბიძინას არავინ გაუმართლა და ყველამ უღალატაო. მემგონი უკიდურესად ცუდი ფაქტია როდესაც იდენტური შეფასებები ხდება. ჰო და იქნებ დაფიქრდეთ და დასვათ კითხვა: იქნებ მათივე ბრალია ეს შედეგი? იქნებ მათივე მართვის სტილი იწვევს იმ შედეგებს, რომ მათთან ერთად ბრძოლის გაგრძელების მასურველთა რიცხვი კატასტროფულად მცირდება.“ - წერს ნებიერიძე.