DeepSeek-ის დამფუძნებელი მსოფლიოში ხელოვნური ინტელექტის ყველაზე მდიდარი შემქმნელი გახდა

DeepSeek-ის დამფუძნებელი ლიან ვენფენგი ხელოვნური ინტელექტის მოდელების შემქმნელებს შორის ყველაზე მდიდარი მეწარმე გახდა.

Bloomberg-ის მილიარდერთა ინდექსის მიხედვით, მისი ქონება 36 მილიარდ დოლარად ფასდება. მისი კომპანიის მიერ დაფინანსების მოზიდვის ბოლო რაუნდის შემდეგ, დამფუძნებლის ქონება გაორმაგდა - მანამდე ის 16,7 მილიარდ დოლარს შეადგენდა. ვენფენგმა გადაასწრო Anthropic-ის თანადამფუძნებელ დარიო ამოდეის, რომლის ქონებაც თითქმის 25,5 მილიარდ დოლარს შეადგენს.

ლიან ვენფენგი 1985 წელს ჩინეთის ქალაქ ჯანძიანგში დაიბადა. მან უნივერსიტეტი ელექტრონული ინჟინერიის მიმართულებით დაამთავრა და მაგისტრის ხარისხი საინფორმაციო და საკომუნიკაციო ინჟინერიის დარგში მიიღო. 2023 წელს მან DeepSeek-ი დააფუძნა, როგორც საკუთარი ფონდის ხელოვნური ინტელექტის განყოფილების განშტოება, რომელიც მანამდე ყოფილ თანაკურსელებთან ერთად შექმნა. 2025 წლის დასაწყისში კი DeepSeek-მა გლობალური ტექნოლოგიური ინდუსტრია შეძრა მოდელის გამოშვებით, რომელიც არაფრით ჩამოუვარდება ამერიკელ კონკურენტებს, თუმცა მნიშვნელოვნად იაფი ღირს.