ფონ დერ ლაიენი: ევროპული ეკონომიკური მოდელი დიდხანს ეყრდნობოდა რამდენიმე ფაქტორს, მათ შორისაა იაფი იმპორტირებული ენერგია, ღია გლობალური ვაჭრობა, ჩინურ ბაზარზე მზადრი წვდომა, ამერიკის მხრიდან სრტატეგიული დაცვა და დასავლეთის ტექნოლოგიური უპირატესობა. ეს ფაქტორები გაქრა
ევროკომისიის პრეზიდენტი ურსულა ფონ დერ ლაიენი აცხადებს, რომ ევროკავშირის ეკონომიკურმა მოდელმა აქამდე არსებული უპირატესობა დაკარგა და მნიშვნელოვანი ცვლილებები განიცადა.
ფონ დერ ლაიენი ამბობს, რომ გაერთიანების ეკონომიკა ერთდროულად რამდენიმე გამოწვევის წინაშეა, მათ შორის ენერგომატარებლებზე ფასების ზრდა, არასამართლიანი კონკურენცია და ერთიანი ბაზრის ფრაგმენტაციაა.
ევროკომისიის პრეზიდენტმა აღნიშნა, რომ ევროპისთვის ჩინეთი მნიშვნელოვანი პარტნიორია, თუმცა ყურადსაღებია ჩინურ ნედლეულსა და მიწოდების ჯაჭვებზე ევროპული ქვეყნების პეკინზე დამოკიდებულება.
„ევროპული ეკონომიკური მოდელი დიდხანს ეყრდნობოდა რამდენიმე ფაქტორს, მათ შორისაა იაფი იმპორტირებული ენერგია, ღია გლობალური ვაჭრობა, ჩინურ ბაზარზე მზარდი წვდომა, ამერიკის მხრიდან სტრატეგიული დაცვა და დასავლეთის ტექნოლოგიური უპირატესობა. ეს ფაქტორები გაქრა. ჩინეთთან ჩვენი სავაჭრო დეფიციტი დღეში 1 მილიარდ ევროს შეადგენს. ევროპული ინდუსტრიული წარმოების ნახევარზე მეტი უკვე ექვემდებარება ჩინურ კონკურენციას. ჩინეთი აკონტროლებს მიწოდების ჯაჭვების საკვანძო რგოლებს. ჩვენ 80%-ით დამოკიდებულები ვართ კრიტიკულ ნედლეულზე ჩინეთიდან. ჩინეთი მნიშვნელოვანი ეკონომიკური პარტნიორია, მაგრამ ჩვენი მიზანი რისკების შემცირებაა“, - განაცხადა ფონ დერ ლაიენმა.
იმედი
წყარო: imedinews.ge