დეკანოზი ალექსანდრე გალდავა: ხელახალი მისიონერობა იწყება, სამყაროს სხვანაირი დანახვა, მიტანა ადამიანებამდე იმის, რაც ქრისტემ მოგვიტანა

ხელახალი მისიონერობა იწყება, სამყაროს სხვანაირი დანახვა, მიტანა ადამიანებამდე იმის, რაც ქრისტემ მოგვიტანა და რაც ჩვენთვის ასეთი ძვირფასია, - განაცხადა გადაცემაში „იმედი Live” დეკანოზმა ალექსანდრე გალდავამ სრულიად საქართველოს კათოლიკოს პატრიარქ შიოს III-ზე საუბრისას.

მისივე თქმით, ახალ პატრიარქს ეპისკოპოსობის პერიოდში ნათქვამი აქვს, რომ ეკლესიის კარის ფართოდ გაღებაში სამღვდელოების ხალხში გასვლას გულისხმობს.

„თავისი ეპისკოპოსობის პერიოდში აქვს ნათქვამი, რომ ეკლესიის კარის ფართოდ გაღება ნიშნავს იმას, რომ სამღვდელოება გავიდეს ხალხში. სადაც არ მივსულვართ ჯერ იქ მივიდეთ, სადაც არ გველოდებიან იქ მივიდეთ, მაცხოვრის გზა არის ეს. მაცხოვარი ყველგან მიდიოდა, არ იჯდა და არ ელოდებოდა. ხელახალი მისიონერობა იწყება, სამყაროს სხვანაირი დანახვა, მიტანა ადამიანებამდე იმის, რაც ქრისტემ მოგვიტანა და რაც ჩვენთვის ასეთი ძვირფასია. სამუზეუმო ექსპონანტი არ უნდა იყოს ეკლესია“, - განაცხადა დეკანოზმა ალექსანდრე გალდავამ.