დიდი ბრიტანეთის პრემიერ-მინისტრი ირანს ემუქრება, თუ ის ბრიტანული საზოგადოების დესტაბილიზაციას გააგრძელებს

დიდი ბრიტანეთის პრემიერ-მინისტრის, კირ სტარმერის განცხადებით, ლონდონი „აღარ მოითმენს“ ირანის მცდელობებს ბრიტანულ საზოგადოების დესტაბილიზაცია მოახდინოს.

მისი თქმით, ბრიტანეთის მთავრობამ უსაფრთხოების დამატებითი ზომები მიიღო მას შემდეგ, რაც ქვეყანაში ებრაულ სათვისტომოზე თავდასხმები გახშირდა.

„უსაფრთხოება საგანგებოდ მნიშვნელოვანია, მაგრამ ეს საკმარისი არ არის. ჩვენ აგრეთვე უნდა ვებრძოლოთ იმ ძალებს, რომლებიც ასაზრდოებენ აღნიშნულ სიძულვილს, ამიტომაც ჩვენ მათ ვეწინააღმდეგებით“, - განაცხადა სტარმერმა პრესკონფერენციის დროს.

მისი თქმით, გამოძიება მუშაობს, რათა დაადგინოს, აღნიშნული ანტისემიტური აქტების უკან დგას, თუ არა უცხოური სახელმწიფო.

„რა თქმა უნდა, ყველაფერს გამოვიკვლევთ. ჩვენთვის ნათელია, რომ აღნიშნულ ქმედებებს შედეგები მოჰყვება, თუ ეს სიმართლე აღმოჩნდება. ჩვენი გზავნილი ირანისთვის და ნებისმიერი სხვა ქვეყნისთვის, რომელიც სიძულვილის გაღვივებას შეეცდება, არის ის, რომ ჩვენ ამას არ მოვითმენთ“, - დასძინა სტარმერმა.