დიდმა ბრიტანეთმა რუსული „ჩრდილოვანი ფლოტის“ ტანკერი პირველად დააკავა

დიდი ბრიტანეთის შეიარაღებულმა ძალებმა რუსული „ჩრდილოვანი ფლოტის“ ტანკერი პირველად დააკავეს. ინფორმაცია ბრიტანეთის პრემიერ-მინისტრმა კირ სტარმერმა და ქვეყნის თავდაცვის სამინისტრომ გაავრცელეს.

ტანკერი „სმირტოსი“ ლა-მანშის სრუტის გავლას ცდილობდა, მისი დაკავების ოპერაცია, რომელშიც სამხედრო-საზღვაო ძალები მონაწილეობდნენ, 6 საათს გრძელდებოდა. ტანკერი ინგლისის სამხრეთ სანაპიროსთან, ლა-მანშის სრუტეში, ღუზაზე საყრდენ სადგომზე გადაიყვანეს. დიდი ბრიტანეთის თავდაცვის უწყების განცხადებით, გემზე მონიტორინგი განხორციელდება ნებისმიერი ეკოლოგიური პრობლემისა თუ უსაფრთხოების რისკების გამოსავლენად.

„ეს წარმატებული ოპერაცია მორიგი დარტყმაა რუსეთისთვის და შეხსენებაა იმათთვის, ვინც ხელს უწყობს პუტინის ომს უკრაინაში - ჩვენ მათ მიმალვის საშუალებას არ მივცემთ“, - განაცხადა სტარმერმა.