დონალდ ტრამპი: კატეგორიულად ვითხოვ, რომ რეგიონის ყველა ქვეყანამ დაუყოვნებლივ მოაწეროს ხელი „აბრაამის შეთანხმებებს“ და თუ ირანი გააფორმებს ხელშეკრულებას ჩემთან, დიდი პატივი იქნება, რომ ისინიც გახდნენ ამ უპრეცედენტო მსოფლიო კოალიციის ნაწილი

ირანის ისლამურ რესპუბლიკასთან მოლაპარაკებები შესანიშნავად მიმდინარეობს! ეს იქნება ან დიდი გარიგება ყველასთვის, ან საერთოდ არანაირი გარიგება - დავუბრუნდებით ბრძოლის ველსა და სროლას, მაგრამ იმაზე უფრო მასშტაბურად და ძლიერად, ვიდრე ოდესმე ყოფილა. ეს კი არავის სურს, - წერს დონალდ ტრამპი სოციალურ ქსელში.

აშშ-ის პრეზიდენტმა ასევე აღნიშნა, რომ რეგიონის ლიდერებთან გამართული ვრცელი მოლაპარაკებების შემდეგ, რამდენიმე საკვანძო ქვეყნისთვის „აბრაამის შეთანხმებებზე“ ერთდროულად მიერთება სავალდებულო უნდა გახდეს. ტრამპის თქმით, ეს მოთხოვნა მან პირადად გააჟღერა საუდის არაბეთის, არაბთა გაერთიანებული საამიროების, კატარის, თურქეთის, ეგვიპტის, იორდანიის, ბაჰრეინისა და პაკისტანის უმაღლეს ლიდერებთან საუბარში, რათა ირანთან მიმდინარე მორიგებას უფრო მასშტაბური და ისტორიული ხასიათი მიეცეს.

„შესაძლოა, ერთს ან ორს ჰქონდეს ამაზე უარის თქმის მიზეზი და ეს მისაღები იქნება, მაგრამ უმრავლესობა მზად, მოწადინებული და უნარიანი უნდა იყოს, რომ ირანთან ეს მორიგება ბევრად უფრო ისტორიულ მოვლენად აქციოს, ვიდრე ის სხვა შემთხვევაში იქნებოდა“, - წერს ტრამპი.

მან ასევე აღნიშნა, რომ „აბრაამის შეთანხმებებმა“ მასში ჩართული ქვეყნებისთვის (არაბთა გაერთიანებული საამიროები, ბაჰრეინი, მაროკო, სუდანი და ყაზახეთი) ფინანსური, ეკონომიკური და სოციალური აფეთქება გამოიწვია, კონფლიქტისა და ომის ამ პერიოდშიც კი.

„ეს პროცესი საუდის არაბეთისა და კატარის მიერ შეთანხმებების დაუყოვნებლივი ხელმოწერით უნდა დაიწყოს, სხვები კი მათ მაგალითს უნდა მიჰყვნენ. თუ ისინი ამას არ გააკეთებენ, არ უნდა იყვნენ ამ გარიგების ნაწილი, რადგან ეს ცუდ განზრახვაზე მიუთითებს. ზემოთ ნაწყენები მრავალი დიდი ლიდერისაგან მსმენია, რომ როგორც კი ჩვენს დოკუმენტს ხელი მოეწერება, მათთვის დიდი პატივი იქნება ირანის ისლამური რესპუბლიკის ხილვა „აბრაამის შეთანხმებების“ ნაწილად. ვაუ, აი ეს კი მართლაც განსაკუთრებული რამ იქნება!