დონალდ ტრამპის განცხადებით, აშშ-მა ირანის დაბომბვა რომ დაიწყოს, ჰორმუზის სრუტე კიდევ რამდენიმე თვე დაკეტილი იქნება

აშშ-ის პრეზიდენტმა დონალდ ტრამპმა ამერიკელ ჟურნალისტებს განუცხადა, თუ ამერიკა ირანის დაბომბვას განაახლებს, ეს კიდევ ორი-სამი კვირა გაგრძელდება, ხოლო ჰორმუზის სრუტე რამდენიმე თვე კიდევ დაკეტილი იქნება.

„თუ ჩვენ დაბომბვას დავიწყებთ, რის გაკეთებაც ძალიან მარტივად შეგვიძლია, კიდევ ორ-სამ კვირას დავხარჯავთ. მათ [ირანს] არაფერი დარჩებათ. თუმცა სრუტე კიდევ რამდენიმე თვე დაკეტილი დარჩება. თუ ჩვენ დაბომბვას დავიწყებთ, ბევრი ადამიანი დაიღუპება. ეს ვის სჭირდება? მე არ მჭირდება“, - განაცხადა ტრამპმა.

თეთრი სახლის ლიდერმა აგრეთვე დასძინა, რომ აშშ და ირანი ხელს მოაწერენ დოკუმენტს, რომელიც „დაბომბვაზე მეტად ძლიერი იქნება“.