დონალდ ტრამპმა მიანიშნა, რომ ირანის ომის გამო შესაძლოა შვილის ქორწილს ვერ დაესწროს

აშშ-ის პრეზიდენტმა, დონალდ ტრამპმა განაცხადა, რომ ამ უქმეებზე დაგეგმილი მისი შვილის, დონალდ ტრამპ უმცროსისა და ბეტინა ანდერსონის ქორწილის დრო სრულიად შეუფერებელია და შესაძლოა, მან ცერემონიაზე მისვლა ვერ შეძლოს.

„მას ძალიან უნდა, რომ წავიდე, თუმცა ეს იქნება პატარა, კერძო ღონისძიება. მაინც ვეცდები, რომ მოვახერხო“, - განუცხადა ტრამპმა ჟურნალისტებს ოვალურ კაბინეტში.

„ჩემთვის ახლა ძალიან ცუდი დროა. მაქვს საკითხი, რომელსაც ირანი ჰქვია და სხვა საქმეებიც. ამ სიტუაციაში ნებისმიერ შემთხვევაში წაგებული ვრჩები: თუ დავესწრები - გამაკრიტიკებენ, თუ არ დავესწრები - „ფეიკ ნიუსები“ მაინც მიწასთან გამასწორებენ“, - დასძინა პრეზიდენტმა.