ეგვიპტის საფეხბურთო ნაკრები ისტორიაში მეორედ მსოფლიო ჩემპიონატის 1/8 ფინალში გავიდა
იმედი|imedinews.ge
ეგვიპტის საფეხბურთო ეროვნულმა ნაკრებმა მსოფლიო ჩემპიონატის 1/32 ფინალში ავსტრალიის გუნდი დაამარცხა და მუნდიალის 1/8 ფინალში გავიდა.
მატჩი ეგვიპტელების უპირატესობით წარიმართა. შეხვედრის მე-13 წუთზე ემამ აშურმა ანგარიში გახსნა და „ფარაონები“ წინ გაიყვანა. თამაშის 55-ე წუთზე ეგვიპტელთა მესამე ნომერმა მოჰამედ ჰანიმ საკუთარ კარში გაიტანა გოლი და ანგარიში გათანაბრდა.
მატჩის ძირითადი დრო ფრედ, 1:1 დასრულდა. გამარჯვებული არც დამატებით დროში გამოვლინდა, რის გამოც მთავარმა არბიტრმა თერთმეტმეტრიანების სერია დანიშნა.
პენალტების სერიაში უკეთ ეგვიპტელები გამოიყურებოდნენ და ავსტრალიის ნაკრები 4:2 დაამარცხეს.
აღსანიშნავია, რომ ეგვიპტე პირველად მსოფლიო ჩემპიონატის 1/8 ფინალში 1934 წელს გავიდა.
გაზიარება:
იმედი
წყარო: imedinews.ge