ეკა კუპატაძე: მჯეროდა, რომ უპასუხოდ არ დამტოვებდით, ქალბატონო ეკატერინა. საქმეში უხვადაა პირდაპირი თუ ირიბი მტკიცებულებები, პროკურატურას აქვს სრული მზაობა, სამართლებრივი დევნის დაწყებისა და ვიმედოვნებ, ხელი არ შეეშლებათ თავიანთ უფლებამოსილებაში

მჯეროდა, რომ უპასუხოდ არ დამტოვებდით, ქალბატონო ეკატერინა, - ეკატერინა ივანიშვილის წერილს მოკლული გიგა ავალიანის დედა ეკა კუპატაძე სოციალურ ქსელში გამოეხმაურა.

როგორც ეკა კუპატაძე აღნიშნავს, გიგა ავალიანის საქმეში უხვადაა პირდაპირი თუ ირიბი მტკიცებულებები.

„მჯეროდა, რომ უპასუხოდ არ დამტოვებდით, ქალბატონო ეკატერინა. მე მხეცურად მომიკლეს უდანაშაულო შვილი. რომ არა ნია იმნაძე ან/და გიორგი მალანია, დღეს გიგა ავალიანი ცოცხალი იქნებოდა. საქმეში უხვადაა პირდაპირი თუ ირიბი მტკიცებულებები, პროკურატურას აქვს სრული მზაობა სამართლებრივი დევნის დაწყებისა და ვიმედოვნებ, ხელი არ შეეშლებათ თავიანთ უფლებამოსილებაში. სიმართლე ცალსახაა, დარჩა მთავარი - სამართალი. ბედნიერ დედად დაბერდით, ქალბატონო ეკატერინა“, - წერს ეკა კუპატაძე.

ეკატერინა ივანიშვილის მიმართვა შვილმოკლულ დედას, ეკა კუპატაძეს: მთელი გულით თანაგიგრძნობთ და ვიზიარებ თქვენს უმძიმეს ტრაგედიას. დარწმუნებული ვარ, შესაბამისი სახელმწიფო უწყებები საქმეს სრულყოფილად გამოიძიებენ. როგორც დედა-დედას, როგორც ქალი-ქალს, გისურვებთ სულიერ სიმტკიცეს, ძალას და სიმშვიდეს