ეკა სეფაშვილი ბრიუსელის სამუშაო შეხვედრაზე: ეს იყო პოლიტიკური დღის წესრიგით ნაკარნახევი სამუშაო შეხვედრა მოგონილი იმისთვის, რომ ევროკომისიამ თავი დააღწიოს იმ ჩიხს, სადაც თავადვე შევიდნენ
„თავიდან ბოლომდე ეს იყო პოლიტიკური დღის წესრიგით ნაკარნახევი,“ - განაცხადა „ხალხის ძალის“ საერთაშორისო ურთიერთობების მდივანმა ეკა სეფაშვილმა ბრიუსელში ვიზალიბერალიზაციის საკითხზე გამართულ სამუშაო შეხვედრაზე.
როგორც სეფაშვილმა ჟურნალისტებთან საუბრისას განაცხადა, სამუშაო შეხვედრა ფორმალურ ხასიათს ატარებდა და ჩატარდა იმისთვის რომ ევროკომისიას თავისი მიკერძოებული და ობიექტურობას მოკლებული გადაწყვეტილებები გაემართლებინა.
„ეს სამუშაო შეხვედრა ეძღვნებოდა იმ საკითხების განხილვას, რომლის გამოც უვიზო მიმოსვლა შეჩერდა დიპლომატიური პასპორტების მფლობელთათვის.
რა თქმა უნდა, ეს თემა თავიდანვე პოლიტიკური საბურვლით იყო შემოსილი იმიტომ, რომ არავითარი ლეგიტიმური და ტექნიკური პირობები არ არსებობდა იმისთვის, რომ რეჟიმი შეჩერებულიყო დიპლომატიური, თუ ჩვეულებრივი პასპორტის მფლობელებისათვის. თავიდან ბოლომდე ეს იყო პოლიტიკური დღის წესრიგით ნაკარნახევი და ცხადია, რომ ეს მექანიზმი - სამუშაო შეხვედრა მოგონილია იმისთვის, რომ ევროკომისიამ თავი დააღწიოს იმ ჩიხს, სადაც თავადვე შევიდნენ,“ - განაცხადა ეკა სეფაშვილმა.
იმედი
წყარო: imedinews.ge