ეკა სეფაშვილი: კრიზისი, ღირებულებითი თვალსაზრისით, რომელიც დღეს ევროპაში მიმდინარეობს, თვალნათელია და ამას ხედავს არა მარტო ქართული საზოგადოება, არამედ ევროპული სახელმწიფოების საზოგადოებები

„ხალხის ძალის“ თავმჯდომარის მოადგილე, ეკა სეფაშვილმა კოპენჰაგენში აქციის დარბევასთან დაკავშირებით ევროპის დუმილზე გადაცემაში, „დღის ქრონიკა“ ისაუბრა. როგორც მან აღნიშნა, ასეთი მიდგომები ევროპელი საზოგადოებისთვისაც მიუღებელია.

„კრიზისი, ღირებულებითი თვალსაზრისით, რომელიც დღეს ევროპაში მიმდინარეობს, თვალნათელია და ამას ხედავს არა მარტო ქართული საზოგადოება, არამედ ევროპული სახელმწიფოების საზოგადოებები.

ის, რომ თავიანთ ქვეყნებში მშვიდობიანი მიტინგის დარბევებისადმი ძალიან ლოიალური არიან და ჩვეულებრივ გამოხატულებად მიიჩნევენ, ხოლო საქართველოს შემთხვევაში, როდესაც აშკარად ძალადობრივი ხასიათი აქვს, არა მარტო გმობენ და არა მხოლოდ სიჩუმეს ინარჩუნებენ ასეთი ღონისძიებების წინააღმდეგ მიმართული სახელმწიფო სამართლებრივი ღონისძიებების გამოყენებასთან დაკავშირებით, არამედ ამის ხელშემწყობ ღონისძიებებსაც აფინანსებენ. ამას საერთო არაფერი აქვს ღირებულებებთან, იმ ქრისტიანულ ფასეულობებთან, რომელსაც ემყარება ჩვენი სახელმწიფო და რომელზედაც აშენდა ევროკავშირი.

ეს არის იმ დიდი გლობალური თამაშის ნაწილი, რომლის მიხედვითაც, საქართველოს წინააღმდეგ უნდა გამოიყენონ ნებისმიერი ძალამ, საბაბი, მიზეზი, რომ საქართველოს ხელისუფლების რეპუტაცია შელახონ, დააზიანონ ჩვენი ქვეყნის იმიჯი როგორც ქვეყნის შიგნით, მოსახლეობის თვალში, ასევე საზღვარგარეთ, ნებისმიერი ადამიანის თვალში. ეს არის ასეთი მიდგომისა და პოლიტიკის მიზეზი, რომ ამან მათი გათლებით უნდა გამოიწვიოს მოსახლეობის აგრესია, რაც უნდა გადაიზარდოს ე.წ. ძალადობრივ რევოლუციებში“, - აღნიშნა ეკა სეფაშვილმა.

დანიაში აქციის დასაშლელად პოლიციამ ხელკეტები გამოიყენა. ვრცელდება ვიდეოც, სადაც პოლიცია მედიის წარმომადგენელსაც გაუსწორდა ფიზიკურად.

კოპენჰაგენში განვითარებული მოვლენების შესაფასებლად, საქართველოს პრემიერ-მინისტრმა ურსულა ფონ დერ ლაიენს, ანტონიო კოშტასა და რობერტა მეცოლას ღია წერილით მიმართა.

დანიის მხარეს მოვლენების შესაფასებლად „ქრონიკამაც“ მიმართა, რაზეც „იმედს“ დანიის ეროვნულმა პოლიციამ უპასუხა, რომ პოლიციას დროებით მოუწია ხელკეტების გამოყენება მას შემდეგ, რაც აქციის მონაწილეებმა უკანონოდ გადაკვეთეს კერძო საკუთრებაში არსებული ტერიტორია და უარი განაცხადეს პოლიციის მითითებების შესრულებაზე.