ეკა სეფაშვილი: უნდა გავაგრძელოთ ჩვენი გზა - ადრე თუ გვიან ევროკავშირის ამჟამინდელი ბიუროკრატია შეიცვლება იმ ძალებით, რომლებისთვისაც ღირებულებები გაცილებით უფრო მნიშვნელოვანია, ვიდრე გლობალური ძალების დავალებების შესრულება
ჩვენ უნდა გავაგრძელოთ ჩვენი გზა, განვითარება, განუხრელად დავიცავთ კანონის უზენაესობა, ადამიანის უფლებები და ყველა ის დემოკრატიული, ეკონომიკური თუ პოლიტიკური ღირებულება, რაც საქართველოს აქცევს ისეთი ტიპის ევროპულ დემოკრატიად, რომელიც წინ უსწრებს ევროკავშირის ზოგიერთ წევრ ქვეყანასაც კი“, - განაცხადა პარტია „ხალხის ძალის“ საერთაშორისო ურთიერთობათა მდივანმა ეკა სეფაშვილმა გადაცემაში „დღის ქრონიკა“ ევროკავშირთან ურთიერთობაზე საუბრისას.
მისი განცხადებით, ევროკავშირის ბიუროკრატია ადრე თუ გვიან შეიცვლება იმ ძალებით, რომლებისთვისაც ღირებულებები მნიშვნელოვანია.
„უნდა გავაგრძელოთ ჩვენი გზა და განვითარების ამ გზას არავითარ შემთხვევაში არ გადავუხვიოთ. დარწმუნებული ვარ, ადრე თუ გვიან ევროკავშირის ამჟამინდელი ბიუროკრატია შეიცვლება იმ ძალებით, რომლებისთვისაც ღირებულებები და ფასეულობები გაცილებით უფრო მნიშვნელოვანია, ვიდრე რაღაც გლობალური ძალების დავალებების უსიტყვოდ შესრულება“, - განაცხადა ეკა სეფაშვილმა.
მისი შეფასებით, საერთაშორისო ზეწოლა მხოლოდ ხელისუფლების წინააღმდეგ არ არის მიმართული და მიზნად ისევ საქართველოს ომში ჩართვას ისახავს.
„ჩვენ ისევ უნდა გავუძლოთ ამ საერთაშორისო ზეწოლას იმიტომ, რომ ეს ზეწოლა მხოლოდ და მხოლოდ ხელისუფლების წინააღმდეგ არ არის მიმართული. თუ გლობალურად დავაკვირდებით და ამ პრობლემას უფრო ღრმად ჩავხედავთ, ისევ და ისევ საქართველოს ომში ჩართვისაკენ მიდის ეს ყველაფერი იმიტომ, რომ ომში საქართველოს ჩართვის საფრთხე არ არის გამქრალი, ის ისევ დღის წესრიგშია. როგორც ვხედავთ, დღესდღეობით მსოფლიო ისევ ცეცხლის ალშია გახვეული, ძალთა ახალი ბალანსი ჯერ ჩამოყალიბებული არ არის და მსხვილ პოლუსებს შორის ძალაუფლების გადანაწილება ჯერ ისევ მიმდინარეობს.
