ეკონომისტი რამაზ გერლიანი: როდესაც დასკვნის გაცნობას ვიწყებთ, პირველსავე წინადადებაში წერია - სახელმწიფო არ აპირებს ჩარევას იმ გზით, რომ რაღაც რეგულაციები შეიტანოს, ეს მოსაწონია
„როდესაც დასკვნის გაცნობას ვიწყებთ, პირველსავე წინადადებაში წერია - სახელმწიფო არ აპირებს ჩარევას იმ გზით, რომ რაღაც რეგულაციები შეიტანოს, ეს მოსაწონია“, - განაცხადა გადაცემაში „ღია ეთერი-დებატები“ ეკონომისტმა, ეკონომიკის დოქტორმა რამაზ გერლიანმა.
რამაზ გერლიანის თქმით, ხაზი უნდა გაესვას მოლოდინებს, რომელიც ჰქონდა როგორც სამეცნიერო წრეებს, ასევე საზოგადოების ნაწილს.
„პირველ რიგში, ხაზი უნდა გაესვას მოლოდინებს, რომელიც ამ შემთხვევაში როგორც სამეცნიერო წრეებს, ასევე საზოგადოების ნაწილს გვქონდა. როდესაც დასკვნის გაცნობას ვიწყებთ, პირველსავე წინადადებაში წერია ის, რომ ამ შემთხვევაში სახელმწიფო არ აპირებს ჩარევას იმ გზით, რომ რაღაც რეგულაციები შეიტანოს, ეს მოსაწონია. დიახ, ამ ნაწილში, რასაკვირველია, შესაძლოა თანამედროვე თეორიასთან ეს თანხმდებოდეს, მაგრამ აქ არის სხვა კონტექსტში საუბარი. რა მოლოდინები ჰქონდა საზოგადოებას.
ცოტა უტრირება რომ გავაკეთო, ჩემი შთაბეჭდილებით კომისია ბნელ ოთახში ეძებდა შავ კატას, რომელიც იქ არ იყო და არც ახლაა. ეს დასკვნამაც აჩვენა, რომ პრობლემა ამ შემთხვევაში მიკროსექტორში არ არის“, - აღნიშნა მან.
სასურსათო პროდუქციის, მედიკამენტების და საწვავის ფასწარმოქმნის სტრუქტურის შემსწავლელი პარლამენტის დროებითმა კომისიამ 104-გვერდიანი დასკვნა დაამტკიცა, რომელიც პროდუქტებზე ფასის შესამცირებლად რეკომენდაციებსაც მოიცავს. სრულად
იმედი
წყარო: imedinews.ge