ერაყში ირანის თავდასხმის შემდეგ ერთი ამერიკელი ჯარისკაცი დაიღუპა
იმედი|imedinews.ge
აშშ-ის სამხედრო უწყების განცხადებით, შაბათს, ჩრდილოეთ ერაყში ირანის თავდასხმის შემდეგ ერთი ამერიკელი სამხედრო მოსამსახურე დაიღუპა.
აშშ-ის ცენტრალური სარდლობის (Centcom) ცნობით, სამხედრო პირი ჩამოგდებული ირანული მოიერიშე დრონის აუფეთქებელი მასალის „კონტროლირებადი აფეთქების“ დროს დაიღუპა. ინციდენტის შედეგად კიდევ ერთი სამხედრო მოსამსახურე დაშავდა.
მანამდე იორდანიის ბაზაზე ირანის თავდასხმას 2 ამერიკელი ჯარისკაცი ემსხვერპლა, ერთი კი უგზო-უკვლოდ დაკარგულად ითვლება. მოგვიანებით Centcom-ში დააზუსტეს, რომ იორდანიაში პარასკევს მომხდარი თავდასხმის ადგილის დათვალიერების შემდეგ აღმოჩენილია „დაუდგენელი ნეშტი“. „ნეშტის იდენტიფიცირების მიზნით ექსპერტიზის პროცესი ამჟამად მიმდინარეობს“, - დასძინეს უწყებაში.
გაზიარება:
იმედი
წყარო: imedinews.ge