ერთი სარტყელი და ერთი გზა - ბაქოსა და პეკინში განხორციელებული მნიშვნელოვანი ვიზიტები. „იმედის კვირის“ სპეციალური რეპორტაჟი
გლობალური პოლიტიკური და ეკონომიკური ქაოსის ფონზე საქართველო საკუთარ გეოპოლიტიკურ როლს აძლიერებს და იმ ისტორიულ ფუნქციას იბრუნებს, რომლითაც საუკუნეების განმავლობაში ევროპასა და აზიას აკავშირებდა როგორც რეგიონული სატრანზიტო და ენერგეტიკული ჰაბის ცენტრალური რგოლი.
ამ პროცესში განსაკუთრებული მნიშვნელობა ენიჭება რეგიონულ პარტნიორობას. სწორედ ამას ადასტურებს პრემიერ-მინისტრ ირაკლი კობახიძის ვიზიტი აზერბაიჯანში, რომელიც კონკრეტული ეკონომიკური შეთანხმებებით დასრულდა. ენერგეტიკისა და ტრანსპორტის სფეროში გაფორმებული შეთანხმებები, მათ შორის 3 წლის წინ გაჩერებული ბაქო-თბილისი-სუფსის მილსადენის ხელახალი ამუშავება, საქართველოსთვის დამატებითი ეკონომიკური სარგებლისა და სატრანზიტო ფუნქციის გაძლიერების შესაძლებლობას ქმნის.
საქართველოს საპარლამენტო დელეგაცია კი პარლამენტის თავმჯდომარის, შალვა პაპუაშვილის ხელმძღვანელობით, ოფიციალური ვიზიტით ჩინეთში იმყოფებოდა. პეკინში გამართულ შეხვედრებზე ქართულმა და ჩინურმა მხარეებმა პოლიტიკური და სექტორული თანამშრომლობის გაღრმავებაზე იმსჯელეს. ერთი სარტყელი და ერთი გზა - ფაქტია, ახალი გეოეკონომიკური რეალობა საქართველოს სტრატეგიულ უპირატესობას უსვამს ხაზს.
მნიშვნელოვანი ვიზიტები ბაქოსა და პეკინში - დეტალურად ნახეთ ლეო სიხარულიძის სპეციალურ რეპორტაჟში.
იმედი
წყარო: imedinews.ge