ესპანეთის ტრანსპორტის ყოფილ მინისტრს კორუფციისთვის 24-წლიანი პატიმრობა მიესაჯა

ესპანეთის პრემიერ-მინისტრის, პედრო სანჩესის ყოფილ მარჯვენა ხელს კორუფციისთვის 24-წლიანი პატიმრობა მიესაჯა, რამაც ესპანეთის მმართველი „სოციალისტური პარტია“ კიდევ უფრო ღრმა კრიზისში ჩააგდო. ინფორმაციას ამის შესახებ ბრიტანული გამოცემა The Telegraph-ი ავრცელებს.

ტრანსპორტის ყოფილ მინისტრს, ხოსე ლუის აბალოსს ბრალი დასდეს კრიმინალურ გაერთიანებაში მონაწილეობის, ქრთამის აღების, თანხების მითვისებისა და გავლენით ვაჭრობის მუხლებით.

საქმე ეხება კოვიდ-19-ის პანდემიის დროს, მისი მინისტრობის პერიოდში, სამედიცინო მარაგების, მათ შორის პირბადეების სახელმწიფო შესყიდვების ტენდერების გაყალბებას.

ესპანეთის უზენაესმა სასამართლომ 19 წლით პატიმრობა მიუსაჯა აბალოსის ყოფილ მრჩეველს, კოლდო გარსიასაც.

ეს განაჩენები მას შემდეგ დადგა, რაც სულ რამდენიმე დღის წინ მოსამართლემ პრემიერ სანჩესის მეუღლეს, ბეგონია გომესს კორუფციის საქმეზე სასამართლო განხილვა დაუნიშნა და ქვეყნიდან გასვლა აუკრძალა.