ევროკომისარი მაგნუს ბრუნერი: ევროკავშირმა მაროკოსთან მიგრაციის საკითხებში თანამშრომლობის უზრუნველსაყოფად თავის ხელთ არსებული ყველა ბერკეტი, მათ შორის სავიზო და სავაჭრო პოლიტიკა უნდა გამოიყენოს
მაროკოელი მიგრანტების ესპანეთის სეუტაში შეჭრით გამოწვეული კრიზისის ფონზე ევროკავშირი მესამე ქვეყნებიდან დაბრუნების, რეადმისიის საკითხებში თანამშრომლობის გაძლიერებისა და პარტნიორობის უზრუნველსაყოფად ყველა ხელმისაწვდომი ინსტრუმენტის გამოყენების აუცილებლობაზე მიუთითებს. ამის თაობაზე შინაგან საქმეთა და მიგრაციის საკითხებში ევროკომისარმა, ევროპარლამენტის კომიტეტის ონლაინ სხდომაზე განაცხადა.
„ევროკავშირმა მაროკოსთან მიგრაციის საკითხებში თანამშრომლობის უზრუნველსაყოფად თავის ხელთ არსებული ყველა ბერკეტი, მათ შორის სავიზო და სავაჭრო პოლიტიკა უნდა გამოიყენოს. სეუტაში მომხდარმა კიდევ ერთხელ შეგვახსენა ერთი ძალიან მნიშვნელოვანი რამ: იმისთვის, რომ ვითარებას ვაკონტროლებდეთ, მეზობელ ქვეყნებთან თანამშრომლობა აუცილებელია. თუმცა, თუ საზღვრის კონტროლი მხოლოდ ერთი მეზობელი სახელმწიფოს კეთილ ნებაზეა დამოკიდებული, ჩვენ დაუცველ მდგომარეობაში ვრჩებით“, - განაცხადა ბრუნერმა.
იმედი
წყარო: imedinews.ge