ევროპარლამენტში გააკრიტიკეს ტრამპის გადაწყვეტილება ევროპიდან იმპორტირებულ ავტომობილებზე 25-პროცენტიანი ტარიფების შემოღების შესახებ

ამერიკის შეერთებული შტატების პრეზიდენტის, დონალდ ტრამპის გადაწყვეტილებას, ევროპიდან იმპორტირებულ ავტომობილებზე 25-პროცენტიანი ტარიფების შემოღების შესახებ, ევროპარლამენტის სავაჭრო კომიტეტის წარმომადგენელი, ბერნდ ლანგე გამოეხმაურა და შეერთებულ შტატებს არასანდო პარტნიორი უწოდა.

ლანგე ტრამპს სიცრუეში ამხელს და აცხადებს, რომ ევროკავშირი შეთანხმების პირობებს ასრულებს, შტატები კი არა.

„ტრამპის გეგმა ევროკავშირიდან იმპორტირებულ ავტომობილებზე 25-პროცენტიანი ტარიფების შემოღების შესახებ მიუღებელია. ევროპარლამენტი მომავალშიც დაიცავს შოტლანდიაში გაფორმებულ შეთანხმებას და შესაბამისი კანონმდებლობის მომზადებაზე მუშაობას ასრულებს. სანამ ევროკავშირი საკუთარ ვალდებულებებს იცავს, ამერიკული მხარე მათ დარღვევას აგრძელებს“, - დაწერა ლანგემ სოციალურ ქსელ X-ში.

1/2 Trump’s plan to impose 25% tariffs on EU cars is unacceptable. EP is still honouring the Scotland deal, working to finalise legislation. While the EU delivers, the US side keeps breaking its commitments. — Bernd Lange (@berndlange) May 1, 2026