Financial Times: აშშ-ის სახელმწიფო დეპარტამენტი ევროპაში ტრამპის პოლიტიკასთან აფილირებულ ჯგუფებს დააფინანსებს
იმედი|imedinews.ge
შეერთებული შტატების სახელმწიფო დეპარტამენტი ევროპაში, ტრამპის ადმინისტრაციის პოლიტიკასთან აფილირებულ ჯგუფებს, 3 მილიონ დოლარამდე ოდენობის გრანტებით დააფინანსებს.
Financial Times-ის ცნობით, ამერიკის საგარეო უწყება მოძრაობა MAGA-ს მხარდამჭერებს ცენზურის წინააღმდეგ ბრძოლასა და ცივილიზაციური კავშირების განვითარებაში დაეხმარება. სახელმწიფო დეპარტამენტმა საგრანტო განაცხადების ფორმები უკვე გამოაქვეყნა.
დაფინანსების მიღება შეუძლიათ ევროპის სამოქალაქო საზოგადოებას, არასამთავრობო ორგანიზაციებსა და საგანმანათლებლო ინსტიტუტებს, რომლებიც ისეთ გამოწვევებზე რეაგირებენ , როგორებიცაა ეროვნული სუვერენიტეტის დაცვა, მიგრაციისა და ცენზურის წინააღმდეგ ბრძოლა.
გაზიარება:
იმედი
წყარო: imedinews.ge