Financial Times: ბრიტანეთის ტრანსპორტის მინისტრი კირ სტარმერს გადადგომისკენ მოუწოდებს

დიდი ბრიტანეთის ტრანსპორტის მინისტრი, ჰაიდი ალექსანდერი პრემიერ-მინისტრ კირ სტარმერს მოუწოდებს, გადადგომის კონკრეტული ვადები დაასახელოს. ამის შესახებ ინფორმაციას გამოცემა Financial Times-ი ავრცელებს.

გამოცემის ცნობით, ალექსანდერმა სტარმერთან საუბრისას აღნიშნა, რომ ქვეყნისა და „ლეიბორისტული პარტიის“ ინტერესებშია, პრემიერმა თანამდებობა დატოვოს და ახალი ლიდერის არჩევის პროცესი შეუფერხებლად წარიმართოს.

პოლიტიკური კრიზისის ფონზე, მოლოდინები იმის შესახებ, რომ პრემიერ-მინისტრის პოსტზე შესაძლოა შიდაპარტიული დაპირისპირება დაიწყოს, ენდი ბერნემის პარლამენტში დაბრუნებამ კიდევ უფრო გაამძაფრა.

მიუხედავად მასზე განხორციელებული წნეხისა, კირ სტარმერმა დღეს განაცხადა, რომ პოსტის დატოვებას არ აპირებს და მზადაა, ნებისმიერ პოლიტიკურ გამოწვევას შეეჭიდოს.