FT: ამერიკელ დიპლომატებს ადრე გლობალური გავლენა ჰქონდათ, ახლა კი პრეზიდენტის ტყვეობაში არიან
იმედი|imedinews.ge
Financial Times-ი წერს, რომ ამერიკელ დიპლომატებს ადრე გლობალური გავლენა ჰქონდათ, ახლა კი პრეზიდენტის ტყვეობაში არიან. სტატიაში, სახელწოდებით „დაე მშვიდად განისვენოს აშშ-ის სახელმწიფო დეპარტამენტმა“ გამოცემა წერს, რომ ამერიკის სახელმწიფო დეპარტამენტში სერიოზული კრიზისია.
ივნისის მონაცემებით, მსოფლიოს მასშტაბით ამერიკული საელჩოების ნახევარზე მეტში, ელჩის თანამდებობა ჯერ კიდევ ვაკანტურია. FT-ის თანახმად, დიპლომატიურ მისიებში სამუშაო ძალა ტრამპის ადმინისტრაციამ 3000 ადამიანით შეამცირა.
როგორც გამოცემის ანალიტიკურ სტატიაში წერია, პრეზიდენტ დონალდ ტრამპის პირობებში, სახელმწიფო დეპარტამენტი არამხოლოდ განზეა გაწეული, არამედ ალყაშია მოქცეული.
გაზიარება:
IM
იმედი
წყარო: imedinews.ge