უკრაინის პრეზიდენტის ოფისის ხელმძღვანელი: ომის დროს არჩევნების ჩატარება სერიოზულ საფრთხეს შეიცავს
უკრაინის პრეზიდენტის ოფისის ხელმძღვანელს, კირილო ბუდანოვს მიაჩნია, რომ უკრაინაში არსებული მიმდინარე პოლიტიკური სიტუაცია დაძაბულობას წარმოადგენს, თუმცა ჯერ არა კრიზისს - მან მოუწოდა საზოგადოებას, არ დაუშვან შიდა განხეთქილება და არჩევნები ომისშემდგომ პერიოდამდე გადადონ.
„ომის დროს არჩევნები, ტექნიკური პრობლემების გარდა, სერიოზულ საფრთხეს შეიცავს. ომის დროს ჩატარებული არჩევნები ეჭვქვეშ აყენებს მის შედეგებს, რადგან ყველა ვერ შეძლებს ნორმალურად ხმის მიცემას“, - აღნიშნა კირილო ბუდანოვმა.
„და ეს არასრულად ერთიანი საზოგადოების პირობებში ქმნის ნიადაგს იმისთვის, რომ, მაგალითად, ცალკე აღებულმა რეგიონმა უბრალოდ თქვას: „უკაცრავად, ჩვენ უკრაინის მხარეს ვართ, მაგრამ ამ ყველაფერს არ ვაღიარებთ და სანამ ვითარება არ მოწესრიგდება, ავტონომიად დავრჩებით“. აი, სახელმწიფო დაშლისა და განხეთქილების გზა“, - განაცხადა მან.
პრეზიდენტის ოფისის ხელმძღვანელის განცხადებით, პრიორიტეტი ომის დასრულებაა, რის შემდეგაც შესაძლებელი გახდება ხელისუფლებისა და ინსტიტუტების სრული გადატვირთვის პროცესის ორგანიზება.
იმედი
წყარო: imedinews.ge