Financial Times: ომის ესკალაციის შემთხვევაში ირანი ევროპაში აშშ-ის სამხედრო ობიექტებზე დარტყმების შესაძლებლობას განიხილავს
Financial Times-ი თეირანში ორ წყაროზე დაყრდნობით წერს, რომ ირანის ხელისუფლება ვაშინგტონის მხრიდან შესაძლო ესკალაციის საპასუხოდ ევროპაში ამერიკულ ჯარებზე დარტყმების შესაძლებლობას განიხილავს.
გამოცემის ინფორმაციით, შესაძლო სამიზნედ ბულგარეთი მოიხსენიებოდა, რომელმაც გასულ თვეს ამერიკული სამხედრო თვითმფრინავების საწვავით მომარაგებისთვის ბეზმერის ავიაბაზის გამოყენების ნებართვა მისცა, ასევე კვიპროსი, სადაც მარტში ბრიტანულ ავიაბაზას დრონი უკვე დაესხა თავს.
გასულ თვეს თეირანიდან დიდი ბრიტანეთის მისამართით უკვე ისმოდა მუქარა იმ ობიექტებზე შესაძლო დარტყმების შესახებ, რომლებიც ამერიკელ სამხედროებს ირანის წინააღმდეგ კამპანიის ფარგლებში მათ გამოყენების საშუალებას აძლევს.
გარდა ამისა, ჰორმუზის სრუტეში წყალქვეშა კაბელების დაზიანების ვარიანტებიც განიხილება.
წყაროები აცხადებენ, რომ ომის გეოგრაფიის ასეთი გაფართოება „ვაშინგტონის მოქმედებებზე“ იქნება დამოკიდებული.
იმედი
წყარო: imedinews.ge