გაეროში აშშ-ის წარმომადგენლის მოადგილე: აშშ ირანთან კონფლიქტის დიპლომატიური გზით მოგვარებას ანიჭებს უპირატესობას, თუმცა, ამავდროულად, მზადაა, პასუხი მოთხოვოს ირანს იმ ქმედებებისთვის, რომლებიც საერთაშორისო მშვიდობასა და უსაფრთხოებას უქმნის საფრთხეს

აშშ ირანთან კონფლიქტის დიპლომატიური გზით მოგვარებას ანიჭებს უპირატესობას, თუმცა, ამავდროულად, მზადაა, პასუხი მოთხოვოს ირანს იმ ქმედებებისთვის, რომლებიც საერთაშორისო მშვიდობასა და უსაფრთხოებას უქმნის საფრთხეს, - განაცხადა გაეროში აშშ-ის წარმომადგენლის მოადგილემ, ტემი ბრიუსმა.

„ვიმედოვნებთ, ირანი აირჩევს თავისი ვალდებულებების შესრულებას და სერიოზულად ჩაერთვება მოლაპარაკებებში საბოლოო შეთანხმების მისაღწევად“, - განაცხადა ბრიუსმა გაეროს უშიშროების საბჭოს სხდომაზე.

„მიუხედავად იმისა, რომ დიალოგი ჯერ კიდევ შესაძლებელია, ჩვენ ვერ ვაწარმოებთ მოლაპარაკებებს მაშინ, როდესაც ირანი არღვევს ელემენტარულ ვალდებულებებს - ისეთ მარტივ ვალდებულებებს, როგორიცაა სამოქალაქო ობიექტებზე ცეცხლის არგახსნა“, - დასძინა მან.