გეოპოლიტიკის მკვლევარი პასკალ ლოტაზი: ბოლო წლებია, ვხედავთ, თუ როგორი ზეწოლის ქვეშაა საქართველო ევროკავშირისა და ნატოს მხრიდან - გვაქვს ოფიციალური ზეწოლა, ასევე არაოფიციალურიც, არასამთავრობო ორგანიზაციების ხელით, რიგი ადამიანების განცხადებები. ზოგს ჰგონია, ეს შეთქმულების თეორიაა

საქართველოს უწევს დიდ გამოწვევებთან გამკლავება, ეს პრობლემები კი ყველა კუთხიდან მოდის, - განუცხადა „იმედის კვირას“ საქართველოს გამოწვევებზე საუბრისას კიოტოს უნივერსიტეტის პროფესორმა, გეოპოლიტიკის მკვლევარმა, პასკალ ლოტაზმა.

მისივე თქმით, ბოლო წლებია, საქართველო ევროკავშირისა და ნატოს მხრიდან ზეწოლის ქვეშაა მოქცეული.

„საქართველო, შედარებით მცირე ზომის სახელმწიფო, საკმაოდ დიდი გეოპოლიტიკური ჭიდილის შუაშია მოქცეული. საქართველოს მიწაზე გადის უმნიშვნელოვანესი ეკონომიკური დერეფნებიც. შესაბამისად, საქართველოს უწევს დიდ გამოწვევებთან გამკლავება, ეს პრობლემები კი ყველა კუთხიდან მოდის.

ბოლო წლებია, ვხედავთ, თუ როგორი ზეწოლის ქვეშ არის საქართველო ევროკავშირისა და ნატოს მხრიდან - გვაქვს ოფიციალური ზეწოლა, ასევე არაოფიციალურიც, არასამთავრობო ორგანიზაციების ხელით, რიგი ადამიანების განცხადებები. ზოგს ჰგონია, რომ ეს შეთქმულების თეორიაა და მეტად ცდებიან კიდეც.

ყველამ ვიხილეთ დაფინანსებული NGO სექტორის მიერ წარმოებული ანტისახელმწიფოებრივი კამპანია. მათ საქართველოს გამოყენება სურდათ რუსეთის წინააღმდეგ მეორე ფრონტის გახსნის მიზნით, საქართველომ კი წარმატებით გაუწია წინააღმდეგობა, ვინაიდან სწორედ ეს შედიოდა საქართველოს ინტერესებში“, - განაცხადა ლოტაზმა.