გერმანიის პროკურატურა: „ჩრდილოეთ ნაკადების“ აფეთქების ბრძანება უკრაინის ხელისუფლებამ გასცა

2022 წელს გაზსადენების „ჩრდილოეთ ნაკადი - 1“ და „ჩრდილოეთ ნაკადი - 2“ აფეთქების უკან უკრაინის ხელისუფლება იდგა. ინფორმაციას გერმანული მედია ქვეყნის პროკურატურაზე დაყრდნობით ავრცელებს.

პროკურატურის ცნობით, საქმის მთავარმა ეჭვმიტანილმა სერგეი კუზნეცოვმა ექვს თანამზრახველთან ერთად გაზსადენები კიევიდან მოსული ბრძანების საფუძველზე ააფეთქა.

დივერსიის განხორციელების მომენტში სერგეი კუზნეცოვი უკრაინული არმიის ოფიცერი, ხოლო მისი თანამზრახველები სამხედრო მოსამსახურეები იყვნენ. მათ მიიღეს დავალება სრულად შეაჩერონ რუსული გაზის მიწოდება ევროპაში და ამით რუსეთს ომის დაფინანსების ერთ-ერთი წყარო გადაუკეტონ.

აღსანიშნავია, რომ კუზნეცოვი 2025 წლის ზაფხულში იტალიაში დააკავეს. ახლა ის გერმანიაში, ქალაქ ჰამბურგის დროებითი მოთავსების იზოლატორში იმყოფება. დღეს მას ბრალი ოფიციალურად წაუყენეს, თუმცა ის ბრალდებას უარყოფს.