გიგა ავალიანის საქმეზე ბრალდებული გიორგი მალანიას მამა: არ ვეთანხმებით ბრალს. ურეკავდა ადამიანი, რომელიც თვალით არ უნახავს და ეუბნებოდა, რომ უნდოდა მის მასწავლებელთან შეხვედრა და დალაპარაკება. ჩემი შვილის ბავშვობის მეგობარს არასათანადოდ ექცევა, ჩემი ინფორმაციითო, აქედან გამომდინარე მინდა დაველაპარაკო და წამომყევიო. არ გაჰყვა ჩემი შვილი

მე არ ვეთანხმებოდი არც პირველს ანუ შეუტყობინებლობას და არც ამას ვეთანხმები, რა თქმა უნდა. ვაგრძელებთ სამართლებრივ ბრძოლას საქართველოში, თუ საჭირო გახდება საზღვრებს გარეთაც. არ იცოდა, - განაცხადა გიგა ავალიანის საქმეზე ბრალდებული გიორგი მალანიას მამამ მერაბ მალანიამ.

მისი თქმით, გიორგი მალანიას დაუკავშირდა ადამიანი, რომელსაც არ იცნობდა და უთხრა, რომ მის მასწავლებელთან შეხვედრა სურდა და სთხოვდა გაყოლას, რაზეც მერაბ მალანიას თქმით, მისმა შვილმა უარი უთხრა.

„ურეკავდა ადამიანი, რომელიც თვალით არ უნახავს და ეუბნებოდა, რომ უნდოდა მის მასწავლებელთან შეხვედრა და დალაპარაკება. ჩემი შვილის ბავშვობის მეგობარს არასათანადოდ ექცევა, ჩემი ინფორმაციითო, აქედან გამომდინარე მინდა დაველაპარაკო და წამომყევიო. არ გაჰყვა ჩემი შვილი, რა თქმა უნდა“, - განაცხადა მერაბ მალანიამ.

პროკურატურამ გიგა ავალიანის სისხლის სამართლის საქმიდან გამოყოფილ საქმეზე, ჯგუფურად ჯანმრთელობის განზრახ მძიმე დაზიანებაში დახმარების ფაქტზე გიორგი მალანიას ბრალდება წარუდგინა.