გიორგი ახვლედიანი: ევროპას აქვს ერთგვარი სტერეოტიპი - მათ ჩამოუყალიბდათ სრულიად არაადეკვატური დამოკიდებულება, რომ ყველაფერი, რაც კი მოდის ევროპიდან, არის ჭეშმარიტების ბოლო ინსტანცია

უნდა განვსაზღვროთ, თუ რა მოტივაციით მოქმედებს ევრო სტანდარტი, რომელიც ქართველი ერისთვის, ისევე, როგორც მსოფლიოში ბევრი ერისთვის, არის სრულიად გაუგებარი, - განაცხადა გადაცემაში „EURO ანატომია“ მედიაპოლიტიკის ექსპერტმა გიორგი ახვლედიანმა ქართულ მედიაზე ბრიტანეთის თავსხმაზე საუბრისას.

მისივე თქმით, ევროპას ჩამოუყალიბდა სრულიად არაადეკვატური დამოკიდებულება, რომ ყველაფერი, რაც კი მოდის ევროპიდან, არის ჭეშმარიტების ბოლო ინსტანცია.

„ჩვენ როდესაც მივიჩნევთ, რომ ვიღაცა უნდა გავაკრიტიკოთ, მივიჩნევთ, რომ ამისთვის აუცილებელია არგუმენტი, სხვანაირად უსამართლობასთან გვექნება საქმე, მაგრამ სულ სხვანაირად აზროვნებენ ევროპაში და ამას გარკვეული ისტორიული საფუძვლები აქვს. ევროპას აქვს ერთგვარი სტერეოტიპი, მაგრამ ფაქტია, რომ ევროპას ეს ევროცენტრული დამოკიდებულება ისტორიულად ჩამოყალიბებული აქვს, რადგან მათ ისტორიამ მისცა იმის ფუფუნება, ყოფილიყვნენ ქრისტიანული სამყაროს აკვანი, ტექნოლოგიური პროგრესის არეალი. აქედან გამომდინარე მათ ჩამოუყალიბდათ სრულიად არაადეკვატური დამოკიდებულება, რომ ყველაფერი, რაც კი მოდის ევროპიდან, არის ჭეშმარიტების ბოლო ინსტანცია.

ეს დამოკიდებულება გამჯდარია ევროპელებში და უფრო მეტად ბრიტანელებში, რადგან ბრიტანეთი ყველაზე დიდი იმპერია იყო კაცობრიობის ისტორიაში და შესაბამისად მათ აქვთ განსაკუთრებულად ეს ამპარტავნული წარმოდგენა. ისინი მიიჩნევენ, რომ არ საჭიროებენ არაფრის ახსნას და დამტკიცებას იმისთვის, რომ იყვნენ სამართლიანები“, - აღნიშნა გიორგი ახვლედიანმა.