გიორგი ჩაკვეტაძე პოლონეთის ქართულენოვანი საინფორმაციო სამსახურის გადაცემაზე: ამ ყველაფრის მიზანია საქართველოს შესახებ არასწორი ინფორმაციის შექმნა, ფაქტების დამახინჯება, საქართველოში პოლიტიკურ პროცესებზე გავლენის მოხდენა

ამ ყველაფრის მიზანია საქართველოს შესახებ არასწორი ინფორმაციის, აღქმების შექმნა, ფაქტების დამახინჯება, - განაცხადა განათლების, მეცნიერებისა და ახალგაზრდულ საქმეთა კომიტეტის თავმჯდომარის პირველმა მოადგილემ, გიორგი ჩაკვეტაძემ პოლონეთის საზოგადოებრივი მაუწყებლის ქართულენოვანი სამსახურის გადაცემაში გაჟღერებული გზავნილების შეფასებისას.

მისივე თქმით, მიზანია ისიც, რომ საქართველოში პოლიტიკურ პროცესებზე გავლენის მოხდენა შეძლონ.

„ეს არის სხვადასხვა საგარეო აქტორის ჩართულობით მიღებული გადაწყვეტილება, რომელიც გულისხმობს, რომ რაიმე ტიპის შეხედულებები შექმნან საქართველოზე, როგორც პოლონეთში, ისე საქართველოში. ასე რომ, ამ ყველაფერთან დაკავშირებით, კითხვები არ არსებობს. ამ ყველაფრის მიზანია საქართველოს შესახებ არასწორი ინფორმაციის, აღქმების შექმნა, ფაქტების დამახინჯება და ასევე მიზანია საქართველოში პოლიტიკურ პროცესებზე გავლენის მოხდენა“, - განაცხადა ჩაკვეტაძემ.

„ქრონიკამ“ კითხვით მიმართა პოლონეთის საელჩოს, რა პასუხი აქვთ ეკლესიის თავდასხმაზე და უნდა ველოდოთ თუ არა მათგან რაიმე სახის რეაგირებას.