გიორგი გაბუნია ფიშერზე: მივესალმებით იმას, რომ ამ ადამიანს მალე ამოეწურება საქმიანობის ვადა და დაუბრუნდება საკუთარ ქვეყანას. იმედი გვაქვს, რომ გერმანიის მთავრობას ეყოფა გონიერება და საქართველოში გამოაგზავნის ისეთ ელჩს, რომელიც პატივს სცემს გერმანიისა და საქართველოს ურთიერთობების ღირსეულ წარსულს
ჩვენ მივესალმებით იმას, რომ ამ ადამიანს მალე ამოეწურება საქმიანობის ვადა და დაუბრუნდება საკუთარ ქვეყანას. იმედი გვაქვს, რომ გერმანიის მთავრობას ეყოფა გონიერება და საქართველოში გამოაგზავნის ისეთ ელჩს, რომელიც პატივს სცემს გერმანიისა და საქართველოს ურთიერთობების ღირსეულ წარსულს, - განაცხადა გიორგი გაბუნიამ გერმანიის ელჩზე, პეტერ ფიშერზე საუბრისას.
პარლამენტის კულტურის კომიტეტის თავმჯდომარემ და საზოგადოება „ქართულის“ ლიდერმა აღნიშნა, რომ ელჩი პირდაპირ არის ჩართული რადიკალურ პროცესებში.
„ევროპელი ელჩები, მაშინ როდესაც უნდა ზრუნავდნენ ქვეყნებს შორის ურთიერთობების განმტკიცებასა და გაღრმავებისთვის, მუშაობდნენ სახელმწიფო ინსტიტუციებთან, საქართველოს პარლამენტთან, მთავრობასთან და ა.შ., დაკავებულები არიან პროცესების რადიკალიზაციით. როდესაც ევროპელი ელჩი პირდაპირ არის ჩართული რადიკალურ პროცესებში, პირდაპირ უჭერს მხარს ორგანიზებულ ძალადობას ქვეყანაში, რა თქმა უნდა, ასეთი ადამიანისგან არ გაგვიკვირდება არც ქსენოფობიური განცხადებები, არც ძალადობის წამახალისებელი განცხადებები“, - განაცხადა გაბუნიამ.
