უკრაინის მთავრობამ სიბიგა საგარეო მინისტრად, ევგენი ხმარა კი თავდაცვის მინისტრად დანიშნა
უკრაინის პრემიერ-მინისტრის, სერგეი კორეცკის ინფორმაციით, უკრაინის მთავრობამ ანდრეი სიბიჰა საგარეო საქმეთა მინისტრის მოვალეობის შემსრულებლად, ხოლო ევგენი ხმარა თავდაცვის მინისტრის მოვალეობის შემსრულებლად დანიშნა.
"პრეზიდენტთან შეთანხმებით, მთავრობამ ევგენი ხმარა თავდაცვის მინისტრის მოვალეობის დროებით შემსრულებლად, ხოლო ანდრი სიბიჰა - საგარეო საქმეთა მინისტრის მოვალეობის დროებით შემსრულებლად დანიშნა.
მნიშვნელოვანია, რომ თავდაცვისა და საგარეო პოლიტიკის სფეროებში მუშაობის უწყვეტობა შენარჩუნდეს.
ასევე, პარლამენტის გადაწყვეტილებების შესაბამისად, სამინისტროების სტრუქტურის რეორგანიზაციას ვახორციელებთ. აღდგება სოფლის მეურნეობის პოლიტიკის სამინისტრო, შეიქმნება თემების, ტერიტორიებისა და იძულებით გადაადგილებულ პირთა საქმეთა ცალკე სამინისტრო.
გარდა ამისა, ერთმანეთისგან გაიმიჯნება ეკონომიკისა და გარემოს დაცვის, ასევე აღდგენის, ინფრასტრუქტურისა და ტრანსპორტის მიმართულებები", - წერს კორეცკი სოციალურ ქსელში.
ცნობისთვის, უკრაინულმა უმაღლესმა რადამ ახალი მთავრობა დანიშნა. კერძოდ, უმაღლესმა რადამ ახალი პრემიერ-მინისტრის, სერგეი კორეცკის მიერ წარდგენილი მინისტრთა ახალი კაბინეტი დაამტკიცა.
წინა მინისტრთა კაბინეტის დაშლას და მთავრობის ახალი წევრების დანიშვნას (გარდა საგარეო საქმეთა და თავდაცვის მინისტრებისა, რომელთა კანდიდატურებსაც პრეზიდენტი წარადგენს) 264-მა დეპუტატმა დაუჭირა მხარი.
ფორმულა
წყარო: formulanews.ge