გიორგი კახიანი ევროპარლამენტის ახალ რეზოლუციაზე: 2022 წლიდან მოყოლებული, რაც რუსეთ-უკრაინის ომის შემდეგ ურთიერთობები დაიძაბა, ევროპარლამენტის მიერ მიღებული მეათე რეზოლუციაა
2022 წლიდან მოყოლებული, რაც რუსეთ-უკრაინის ომის შემდეგ ურთიერთობები დაიძაბა, ევროპარლამენტის მიერ მიღებული მეათე რეზოლუციაა. თავად რეზოლუციების სიმრავლეც ნიშანდობლივია, - განაცხადა საქართველოს პარლამენტის თავმჯდომარის მოადგილემ გიორგი კახიანმა „დღის ქრონიკაში“.
წამყვანმა ჰკითხა, რა გზავნილია ევროპარლამენტის მიერ მიღებულ რეზოლუციაში, სადაც ევროპარლამენტი საქართველოსა და თურქეთს დემოკრატიული უკუსვლის გამო აკრიტიკებს და როგორი უნდა იყოს ოფიციალური თბილისის პასუხი.
„ეს [რეზოლუცია] არის იმ უსამართლო კამპანიის შემდგენელი, რომელსაც სამწუხაროდ, ბოლო წლების განმავლობაში ევროკავშირის გარკვეული ბიუროკრატების მხრიდან თვალს ვადევნებთ. 2022 წლიდან მოყოლებული, რაც რუსეთ-უკრაინის ომის შემდეგ ურთიერთობები დაიძაბა, ევროპარლამენტის მიერ მიღებული მეათე რეზოლუციაა. თავად რეზოლუციების სიმრავლეც ნიშანდობლივია. როგორც წესი, ამ რეზოლუციების ინიციატორები სულ ერთი და იგივე ძალა არიან. ვიცით, რომ ქალბატონი რასა იუკნევიჩიენე არაერთი რეზოლუციის ავტორია“, - აღნიშნა კახიანმა.
ევროპარლამენტი საქართველოსა და თურქეთს დემოკრატიული უკუსვლის გამო აკრიტიკებს - საქართველოს შესახებ უარყოფითი ანგარიში რასა იუკნევიჩიენეს, თურქეთის შესახებ კი ნაჩო სანჩეს ამორის განცხადებებს ეფუძნება.
იმედი
წყარო: imedinews.ge