გიორგი კახიანი „ნაცმოძრაობაზე“: ვხედავთ, როგორი დაპირისპირება აქვთ. მგონია, რომ მიხეილ სააკაშვილს უნდა თავისი ავატარი აირჩიოს პარტიის თავმჯდომარედ. მართლაც არასერიოზულად ჩანს ის განცხადებები, რასაც ჩვენ მათგან ვისმენთ. სააკაშვილი ბოლომდე არ ენდობა თავის წევრებს

ვხედავთ, როგორი დაპირისპირება აქვთ. მგონია, რომ მიხეილ სააკაშვილს უნდა თავისი ავატარი აირჩიოს პარტიის თავმჯდომარედ. მართლაც არასერიოზულად ჩანს ის განცხადებები, რასაც ჩვენ მათგან ვისმენთ. სააკაშვილი ბოლომდე არ ენდობა თავის წევრებს, - განაცხადა „დღის ქრონიკასთან“ საქართველოს პარლამენტის თავმჯდომარის მოადგილემ გიორგი კახიანმა.

მისი თქმით, რადიკალებში არსებული დაპირისპირება კარგად აჩვენებს მათ სახეს.

„რაც ხდება კოლექტიურ „ნაციონალურ მოძრაობაში“ ვხედავთ, ერთმანეთთან, როგორი დაპირისპირება აქვთ და თვითონ „ნაციონალური მოძრაობის“ შიგნითაც კი დაპირისპირება არის. მიხეილ სააკაშვილის განცხადება თავისი ავატარის შექმნის თაობაზე, გუშინ ეს განცხადება მოვისმინეთ, დღეს გავიგეთ, რომ თურმე „ნაციონალური მოძრაობა“ პარტიის თავმჯდომარეს ირჩევს, მე მგონია, რომ მიხეილ სააკაშვილს უნდა თავისი ავატარი აირჩიოს პარტიის თავმჯდომარედ. მართლაც არასერიოზულად ჩანს ის განცხადებები, რასაც ჩვენ მათგან ვისმენთ. სხვათა შორის, თვითონ მიხეილ სააკაშვილის დამოკიდებულება, როგორც ჩანს თავისი წევრების მიმართაც ასეთი არის. არც ენდობა ბოლომდე ყველას და ეჭვები აქვს და იმიტომაც არის ეს პროცესები ასე რომ მიმდინარეობს.

რადიკალების სახე ასეთი არის და არც მაქვს რაიმე მოლოდინი იმის, რომ მათ შეიძლება რაიმე პოლიტიკური ფერისცვალება განიცადონ. მათი შინაგანი პოლიტიკური ბუნებაა ასეთი და ისინი იმდენად დამძიმებულები არიან თავისი პოლიტიკური წარსულით, რომ გამორიცხულია სახე იცვალონ“, - განაცხადა გიორგი კახიანმა.

მან იმედი გამოთქვა, რომ „ის პროცესი, რომელიც საკონსტიტუციო სასამართლოშია დაწყებული დასრულდება ისე, როგორც სამართლებრივი სწორი გადაწყვეტა მოითხოვს“.