გოგა ხაინდრავა: ფონ დერ ლაიენი ახლახან იყო ჩინეთში, არ არის ევროკავშირის სახელმწიფოს არცერთი ლიდერი, ვინც იქ არ იყო ჩასული. დღეგამოშვებით ტრამპი ახსენებს ჩინეთს და ჩვენ, ქვეყანამ, რომელიც პირდაპირ იმ გზაზე ვდგავართ, რაც დღეს არის ყველაზე მნიშვნელოვანი, არ უნდა დავამყაროთ ურთიერთობები ჩვენს მეზობლებთან?

„ფონ დერ ლაიენი ახლახან იყო ჩინეთში, არ არის ევროკავშირის სახელმწიფოს არცერთი ლიდერი, ვინც იქ არ იყო ჩასული. დღეგამოშვებით ტრამპი ახსენებს ჩინეთს და ჩვენ, ქვეყანამ, რომელიც პირდაპირ იმ გზაზე ვდგავართ, რაც დღეს არის ყველაზე მნიშვნელოვანი, არ უნდა დავამყაროთ ურთიერთობები ჩვენს მეზობლებთან?“ - განაცხადა გადაცემაში „იმედი LIVE“ კინორეჟისორმა გოგა ხაინდრავამ „ფორმულას“ წინააღმდეგ მიმდინარე სამართლებრივ დავაზე საუბრისას.

ხაინდრავას განმარტებით, „ფორმულას“ მიერ მის წინააღმდეგ გავრცელებული დეზინფორმაციული სიუჟეტები დიდი შეთქმულების პატარა ელემენტია.

„ეს ზუსტად იმ სცენარის ნაწილია, რომელი სცენარის მოწმენიც ვართ ამ უკანასკნელი წლების განმავლობაში ყველანი, გინდაც შინ და გინდაც გარეთ. გაუთავებელი რეზოლუციებით დაწყებული.

ფონ დერ ლაიენი ახლახან იყო ჩინეთში. არ არის ევროკავშირის სახელმწიფოს არცერთი ლიდერი, ვინც იქ არ იყო ჩასული. დღეგამოშვებით ტრამპი ახსენებს ჩინეთს, სი ძინ პინი ჩემი მეგობარიო და ჩვენ, ქვეყანამ, რომელიც პირდაპირ იმ გზაზე ვდგავართ, რაც დღეს არის ყველაზე მნიშვნელოვანი, არ უნდა დავამყაროთ ურთიერთობები იმ ჩვენს მეზობლებთან? იმ ქვეყნებთან, რომლებიც დაინტერესებულები არიან?

საქმეც მაგაშია. ეს არის დიდი შეთქმულება. შეიძლება ძალიან ხმამაღლა ნათქვამია, მაგრამ შეთქმულებაა საქართველოს წინააღმდეგ. ეს ერთ-ერთი პატარა ელემენტი იყო ამ შეთქმულების, რომელიც ჩემგან გადიოდა პირდაპირ მთავრობაზე. მთავრობას ურტყამენ“, - აღნიშნა გოგა ხაინდრავამ.

კინორეჟისორი გოგა ხაინდრავა „ფორმულას“ დეზინფორმაციის გავრცელებაში ადანაშაულებს. საქმეზე საქალაქო სასამართლოში სხდომა დღეს გაიმართა. განაჩენს მოსამართლე 14 ივლისს გამოაცხადებს.