„გოლუმზე ნადირობის“ გადაღებები დაიწყო🎬

ფილმის „ბეჭდების მბრძანებელი: გოლუმზე ნადირობა“ გადაღებები უკვე დაიწყო. თავიანთ როლებს დაუბრუნდნენ ენდი სერკისი, ლი პეისი, ელაიჯა ვუდი და იენ მაკკელენი. არაგორნის როლს ჯეიმი დორნანი ასრულებს, ხოლო ელფი სერენის როლს - ანია ტეილორ-ჯოი.

ენდი სერკისის განცხადებით, რომელიც ასევე რეჟისორის როლს ითავსებს, სურათში ხელოვნური ინტელექტი მხოლოდ მსახიობების გასაახალგაზრდავებლად იქნება გამოყენებული. სხვა მხრივ ფილმი მთლიანად ადამიანების მიერ, ნეიროქსელების გამოყენების გარეშე შეიქმნება. რეჟისორმა ასევე დასძინა, რომ სურს გამოიყენოს კინოწარმოების ტრადიციული მეთოდები, როგორიცაა მინიატურებზე გადაღება და რთული გრიმი.

ფილმი მსოფლიო კინოგაქირავებაში 2027 წლის 17 დეკემბერს გამოვა.

„ბეჭდების მბრძანებლის“ ეკრანიზაციის პირველი ფილმი ეკრანებზე 2001 წელს გამოვიდა. მოგვიანებით მისმა ავტორებმა ტრილოგიის პრიქველი „ჰობიტი“ გადაიღეს. ორივე ტრილოგიის საერთო შემოსავალმა 5,9 მილიარდი დოლარი შეადგინა. ფილმმა „ბეჭდების მბრძანებელი: მეფის დაბრუნება“ კი 11 „ოსკარი“ მიიღო. ასეთ შედეგს კიდევ მხოლოდ ორმა ფილმმა მიაღწია - „ტიტანიკმა“ (1997) და „ბენ ჰურმა“ (1959).