გურამ მაჭარაშვილი კალასის განცხადებაზე: არ გინდა იმ ხელისუფლებასთან ურთიერთობა, რომელსაც ქართველი ხალხის უმრავლესობა ირჩევს და გინდა ქართველ ხალხთან ურთიერთობა - აქ ლოგიკა სად არის?

არ გინდა იმ ხელისუფლებასთან ურთიერთობას, რომელსაც ქართველი ხალხის უმრავლესობა ირჩევს და გინდა ქართველ ხალხთან ურთიერთობა - აქ ლოგიკა სად არის?, - განაცხადა „ხალხის ძალის“ აღმასრულებელმა მდივანმა, დეპუტატმა, გურამ მაჭარაშვილმა. ამ კომენტარით დეპუტატი გამოეხმაურა ევროკავშირის უმაღლესი წარმომადგენელის, კაია კალასის გუშინდელ განცხადებას.

რომელ ქართულ საზოგადოებას გულისხმობს, იმას ხომ არა შემთხვევით, მილიონამდე ადამიანი რომ გამოვიდა ქუჩაში მათ შორის პატრიარქის პანაშვიდებზე და დაკრძალვის დღეს, ასევე, 17 მაისს. იმ ქართველებს თუ გულისხმობს, მაშინ ამათი არჩეულია სწორედ ის პოლიტიკა, რასაც ხელისუფლება ატარებს. რა გამოდის, არ გინდა იმ ხელისუფლებასთან ურთიერთობა, რომელსაც ქართველი ხალხის უმრავლესობა ირჩევს და გინდა ქართველ ხალხთან ურთიერთობა - აქ ლოგიკა სად არის?“, - აღნიშნა მაჭარაშვილმა.

ბრიუსელში, ევროკავშირის საგარეო საქმეთა მინისტრების შეხვედრამდე, კაია კალასმა საქართველოსთან დაკავშირებით განცხადება გააკეთა. მან თქვა, რომ არ სურთ მთავრობის მხარდაჭერა და სურთ მხარი დაუჭირონ ქართველ ხალხს.