გურამ მაჭარაშვილი: როდესაც ევროკავშირის საელჩო ხარ და შენი მიზანი, წესით, უნდა იყოს, რომ ხელი შეუწყო საქართველოს ევროკავშირში გაწევრიანებისთვის და ამ დროს, პირიქით, ძალადობრივ აქციებს აფინანსებ და თან ორი წლის წინანდელ ქარდს აზიარებ, ეს ნიშნავს ზუსტად იმას, რომ კრიზისში ხარ

საპარლამენტო ოპოზიციის წარმომადგენელი, „ხალხის ძალის“ აღმასრულებელი მდივანი, დეპუტატი გურამ მაჭარაშვილი აცხადებს, რომ საქართველოში ევროკავშირის საელჩო ჭაობის პოზიციაში და კრიზისშია.

გურამ მაჭარაშვილი დიპლომატიური წარმომადგენლობის მიერ ქარდის გაზიარების ფაქტს ეხმიანება და მას თავის მართლებად აფასებს.

„სამწუხარო მოცემულობაა, მაგრამ ფაქტია, რომ საქართველოში ევროკავშირის საელჩო, რაც უფრო მეტად ცდილობს, რომ თავი „გაიმართლოს“, მით უფრო მეტდ იძირება. ანუ, ჭაობის პოზიციაშია პირდაპირი გაგებით - რაც უფრო მეტად მოძრაობ, მით უფრო მეტად იძირები.

როდესაც ევროკავშირის საელჩო ხარ და შენი მიზანი, წესით, უნდა იყოს, რომ ხელი შეუწყო საქართველოს ევროკავშირში გაწევრიანებისთვის და ამ დროს, პირიქით, ძალადობრივ აქციებს აფინანსებ, ძალადობრივ აქციებს ეხმარები და თან ორი წლის წინანდელ ქარდს აზიარებ, ეს ნიშნავს ზუსტად იმას, რომ კრიზისში ხარ“, - განაცხადა მაჭარაშვილმა.

ევროკავშირის საელჩომ „ფეისბუკში“ 2024 წლის, 17 ივნისს გამოქვეყნებული ქარდი გააზიარა, ევროკავშირის მიერ საქართველოში განხორციელებულ დონაციებზე.