გურამ მაჭარაშვილი: თავად „ნაცმოძრაობაში“ ლიდერები ერთმანეთს უპირისპირდებიან და უპირისპირდებიან საკმაოდ ღრმად. ეს წარმოაჩენს იმ ბუნებას, რა ბუნების გამოც ასეთი ტიპის პოლიტიკური პარტიები სახელმწიფოსთვის ცუდ საქმეებს აკეთებენ

გურამ მაჭარაშვილი თამარ ჩერგოლეიშვილსა და ნანუკა ჟორჟოლიანს შორის ფეისბუკ-ნახვების საკითხზე დაპირისპირებას მედიასთან აფასებს.

„ხალხის ძალის“ ერთ-ერთი ლიდერი აღნიშნავს, რომ „ნაციონალური მოძრაობის“ ლიდერები ერთმანეთს უპირისპირდებიან.

„თავად „ნაცმოძრაობაში“ ლიდერები ერთმანეთს უპირისპირდებიან და უპირისპირდებიან საკმაოდ ღრმად. ეს წარმოაჩენს იმ ბუნებას, რა ბუნების გამოც ასეთი ტიპის პოლიტიკური პარტიები სახელმწიფოსთვის ცუდ საქმეებს აკეთებენ ხოლმე. აქ არ აქვს მნიშვნელობა, ჩერგოლეიშვილი იქნება თუ ჟორჟოლიანი, რომლებიც ხან ვაშაძის პრემიერობაზე ლაპარაკობენ, ახლა ჟორჟოლიანი სააკაშვილის პრემიერობაზე ალაპარაკდა. ეს ხალხი გარესამყაროში ცხოვრობს, რეალობა რა არის საერთოდ არ ითვალისწინებენ“, - განაცხადა მაჭარაშვილმა.

ნანუკა ჟორჟოლიანი და თამარ ჩერგოლეიშვილი „ფეისბუქზე” განთავსებული კონტენტის ნახვების რაოდენობაზე ერთმანეთს საჯაროდ აკრიტიკებენ და შეურაცხყოფენ. პარალელურად, ნანუკა ჟორჟოლიანი მიხეილ სააკაშვილის, როგორც „ნაცმოძრაობის“ პრემიერობის კანდიდატად წარმოჩინებას ცდილობს და ამბობს, რომ ამ განწყობებს ამომრჩევლებთან ტესტავს.