გურამ ნიკოლაშვილი: პირველი პრობლემა, რაც ჩვენს ოპოზიციას აქვს, არის გაკოტრება. მეორე - პერსონალური გაკოტრება
ძალაუფლება დგას სიმართლეზე და ადამიანების ნდობაზე. ყველა დაპირისპირებას თან სდევს შესაბამისი კონტექსტი. ამას მერე საზოგადოება უყურებს და ის საზღვრავს, რა მხარეს არის სიმართლე, - განაცხადა „დღის ქრონიკაში“ თბილისის საკრებულოს წევრმა, გურამ ნიკოლაშვილმა ოპოზიციაში არსებულ ვითარებაზე საუბრისას.
მან დაასახელა ის პრობლემები, რომლებიც მისი აზრით, ოპოზიციას აქვს.
„პირველი პრობლემა, რაც ჩვენს ოპოზიციას აქვს, არის გაკოტრება. მეორე - პერსონალური გაკოტრება, იმიტომ რომ ადამიანები ხედავენ 30-წლიანი დაძველების ფიგურებს ან თუ ვინმე ახალგამოჩენილი ფიგურაა, მისგან ვერ ისმენენ ვერაფერს ახალს და განსხვავებულს“, - მიიჩნევს ნიკოლაშვილი.
მისივე განმარტებით, ოპოზიცია ვერ სთავაზობს საზოგადოებას იმის ხედვას, თუ როგორი უნდა იყოს საქართველოს ხვალინდელი გზა.
იმედი
წყარო: imedinews.ge