იან პრაუდი: საქართველოს ეკონომიკა ძალიან კარგად ვითარდება და ინარჩუნებს მდგრადი წინსვლის მაჩვენებლებს. ეს გახლავთ ხელისუფლების მიერ სამშვიდობო პოლიტიკის სასარგებლოდ გაკეთებული არჩევანის შედეგი

საქართველოს ეკონომიკა ძალიან კარგად ვითარდება და ინარჩუნებს მდგრადი წინსვლის მაჩვენებლებს. ეს გახლავთ საქართველოს ხელისუფლების მიერ სამშვიდობო პოლიტიკის სასარგებლოდ გაკეთებული არჩევანის შედეგი, - განუცხადა „იმედის კვირას“ საქართველოს გამოწვევებზე საუბრისას, ბრიტანელმა დიპლომატმა, გლობალური კრიზისების მართვის ექსპერტმა იან პრაუდმა.

მან ისაუბრა, თუ რა სიტუაციაა ეკონომიკური თვალსაზრისით ევროკავშირის ქვეყნებსა და გაერთიანებულ სამეფოში.

„ევროკავშირი, ისევე როგორც გაერთიანებული სამეფო, დეინდუსტრიალიზაციის შედეგებს იმკიან - გაზრდილია გადასახადები, შედეგად კი ფასები; სახეზეა ბევრი სოციალური პრობლემა, ეს მათ მიერვე რუსეთისთვის დაწესებული სანქციების შედეგია.

ევროკავშირი საქართველოსაც ემუქრება სანქციებით. გაერთიანებულმა სამეფომ უკვე დაუწესა სანქციები საქართველოს, მათ შორის თქვენს ტელევიზიასაც. მიუხედავად ამისა, საქართველოს ეკონომიკა ძალიან კარგად ვითარდება და ინარჩუნებს მდგრადი წინსვლის მაჩვენებლებს. ეს გახლავთ საქართველოს ხელისუფლების მიერ სამშვიდობო პოლიტიკის სასარგებლოდ გაკეთებული არჩევანის შედეგი“, - განაცხადა იან პრაუდმა.