იაროსლავ კაჩინსკის განცხადებით, უკრაინა 2022 წელს პოლონეთის ომში ჩართვას ცდილობდა
პოლონელი პოლიტიკოსი, პარტია „სამართალი და სამართლიანობის“ ლიდერი იაროსლავ კაჩინსკი ამბობს, რომ უკრაინა 2022 წელს პოლონეთის ომში ჩართვას ცდილობდა, ამ მიზნით განიხილებოდა ერთიანი სახელმწიფოს შექმნის იდეაც. კაჩინსკის თქმით, ომის საწყის ეტაპზე უკრაინა პოლონეთისგან ისეთ ნაბიჯებს ელოდა, რომლებზეც ვარშავა ვერ წავიდოდა. მისი შეფასებით, უკრაინა იმ პერიოდში პოლონეთის სამხედრო შესაძლებლობებს არასწორად აფასებდა და შესაძლოა, ვარშავის ნატოში წევრობის ფაქტორით ხელმძღვანელობდა.
„თავდაპირველად უკრაინელებს ჰქონდათ ჩემთვის გასაკვირი კონცეფცია, რომ ამ ომთან დაკავშირებით ჩვენ თავიანთ ხაფანგში მოგვაქცევენ, მათ შორის ერთიანი სახელმწიფოს შექმნის საფუძველზე. სეიმში ზელენსკის სიტყვა ამ მიმართულებით მიდიოდა. პოლონეთი უბრალოდ ვერ ჩაერთვებოდა ამ ომში, მიუხედავად იმისა, რომ ძალიან მებრძოლი ქვეყანაა“, - განაცხად კაჩინსკიმ.
იმედი
წყარო: imedinews.ge