იაროსლავლის ოლქში უკრაინული დრონების თავდასხმის გამო საგანგებო რეჟიმია ამოქმედებული
იაროსლავლის ოლქში უკრაინული დრონების თავდასხმის გამო საგანგებო რეჟიმია ამოქმედებული. ინფორმაციას ამის შესახებ რეგიონის გუბერნატორი, მიხეილ ევრაევი საკუთარ Telegram-არხზე ავრცელებს.
გუბერნატორის განცხადებით, უსაფრთხოების ზომებიდან გამომდინარე, იაროსლავლიდან მოსკოვის მიმართულებით გასასვლელი გზა ამ დროისთვის ჩაკეტილია. კერძოდ, მოძრაობა შეიზღუდა მოსკოვის პროსპექტისა და სამხრეთ-დასავლეთის შემოვლითი გზის კვეთაზე.
„თავი შეიკავეთ აღნიშნული მიმართულებით და მის შემოგარენში გადაადგილებისგან, ან აირჩიეთ ალტერნატიული მარშრუტი, რომელიც გვერდს აუვლის ამ მონაკვეთს“, - მიმართავს ევრაევი მოსახლეობას.
მისივე ინფორმაციით, ადგილზე ამ წუთებში თავდაცვის სამინისტროს ქვედანაყოფები და ძალოვანი უწყებები მუშაობენ. რეგიონის ხელმძღვანელმა მოქალაქეებს მოუწოდა, სიმშვიდე შეინარჩუნონ.
იმედი
წყარო: imedinews.ge