„იბერია“ ჩემპიონთა ლიგის მეორე საკვალიფიკაციო ეტაპზე გადავიდა

შვიდწლიანი პაუზის შემდეგ საქართველოს საფეხბურთო კლუბმა UEFA-ს ჩემპიონთა ლიგის პირველი საკვალიფიკაციო ეტაპი გადალახა. „მიხეილ მესხის“ სტადიონზე გამართული „იბერია“ - „ფლორას“ დაპირისპირება ფრედ 2:2 დასრულდა, ორი შეხვედრის ჯამში კი თბილისის გუნდმა ესტონელები 5:4 დაამარცხა.

მასპინძლების შემადგენლობაში დუბლი ნიკოლოზ სიხარულაშვილმა შეასრულა. მეორე საკვალიფიკაციო ეტაპზე „იბერიას“ მეტოქე სლოვაკეთის „სლოვანი“ იქნება.