„იმედმა“ აშშ-ის საელჩოს ტელეკომპანია „ფორმულას“ მიერ წარმოებულ ანტიამერიკულ კამპანიაზე შეკითხვა გაუგზავნა

„იმედმა“ აშშ-ის საელჩოს კიდევ ერთი წერილით მიმართა. კერძოდ, აშშ-ის საელჩოს ტელეკომპანია „ფორმულას“ მიერ წარმოებულ ანტიამერიკულ კამპანიაზე შეკითხვა გაუგზავნა.

„ფორმულამ“ შეერთებული შტატების პრეზიდენტის ადმინისტრაცია და პირადად დონალდ ტრამპი, დაცინვისა და კრიტიკის ობიექტად აქცია. ადანაშაულებენ ამომრჩევლის მოსყიდვაში და დასცინიან მის პოლიტიკას.

„მიხეილ სააკაშვილის, ნიკა გვარამიასა და დავით კეზერაშვილის მიერ დაფუძნებული ტელეკომპანია „ფორმულა“ ანტიამერიკულ პროპაგანდაშია ჩართული. აპირებთ თუ არა პოზიციის დაფიქსირებას ტელეკომპანია „ფორმულას“ მხრიდან პრეზიდენტ ტრამპსა და მის გუნდზე მიმდინარე პოლიტიკურ და ვერბალურ თავდასხმებზე?“, - აღნიშნულია „იმედის“ მიერ გაგზავნილ წერილში.

ტელეკომპანია „ფორმულას” ეთერში, წამყვანმა ნინო ჟიჟილაშვილმა და სტუმარმა, „ჭავჭავაძის ცენტრის” მკვლევარმა, გიგა ჯოხაძემ ამერიკის შეერთებული შტატების მოქმედი ადმინისტრაცია და პირადად პრეზიდენტი დონალდ ტრამპი ღია თავდასხმის, დაცინვისა და კრიტიკის ობიექტად აქციეს.